لعبة ضاد
ضاد لعبة نشأت بسبب غلاء أسعار الألعاب المنافسة — وحنا قصمان نحب التوفير، 20 ريال عندنا بالقصيم نشوفة 100! والهدف من ضاد هو التعلم وزيادة المعرفة والمنافسة الحلوة بين الفريقين والاخوياء.
اسم اللعبة مأخوذ من لغة الضاد، وحرف الضاد حرف نادر جدًا ما تشتهر فيه غير اللغة العربية — فكيف تجيك حروف تقدر تنافسه أو تفوز عليه؟
كوّن فريقين وتنافسوا بالإجابة، مع وسائل مساعدة زي "التدبيل" و"الاتصال بصديق" و"القمبلة" تضيف حماس أكثر لكل جولة.
ضاد تحاكي واقع السعوديين من المعرفة، بتصميم وتطوير سعودي 100% بروح خليجية أصيلة.
تم إنشاء اللعبة عن طريق طلاب جامعة القصيم، بشغف وحب لصناعة شيء سعودي مختلف.
اشترِ رصيد ألعاب واستخدمه وقت ما تبي.
كل فريق يقدر يستخدم 3 وسائل مساعدة يختارها بعناية وقت إنشاء اللعبة، تساعده يزيد نقاطه أو يصعّب على الفريق الثاني.
ضاعف نقاط السؤال قبل ما تجاوب عليه، وخل فوزك أكبر!
ما تعرف الجواب؟ فجّرها على الفريق الثاني! عندهم 30 ثانية للإجابة، وإذا ما جاوبوا صح بينقص من نقاطهم بقد نقاط السؤال.
اختار أذكى شخص عند الفريق الثاني، وخلّه يقعد جنب شوي بدل ما يشارك بإجابة هالسؤال.
مو متأكد من جوابك؟ جرّب جوابين بدل واحد وزد فرصتك تحصل على النقاط.
جاوب صح وخذ نقاطك، وبنفس الوقت تنخصم نفس القيمة من رصيد الفريق الثاني!
دق على صاحبك اللي يعرف كل شي، وخلّه يعينك بهالسؤال!
كل واحد يدخل من جواله برقم الغرفة، والنظام يوزع الأدوار بالسر: مافيا، طبيب، شايب، قناص، ومواطنين. الليل تقتل فيه المافيا، والنهار تتناقشون وتصوتون مين يطلع — وضاد هو الراوي ويحسب كل شي.
ثبّت ضاد على جوالك أو كمبيوترك وافتحه من الشاشة الرئيسية بضغطة وحدة، بشاشة كاملة مثل أي تطبيق — بدون متجر وبدون ما ياخذ مساحة.
